Jaimes Mayhew opnar sýningu föstudaginn 11. Maí 2012, kl. 16.00.

Í Hoffmannsgalleríi ReykjavíkurAkademíunnar á Hringbraut 121 (JL-húsinu) 4. hæð.

Í Hoffmannsgalleríi ReykjavíkurAkademíunnar, mun Jaimes sýna afrakstur skráningar byggðrar á performans rannsóknum og leiðbeiningaverkum, sem kanna mannlega orkuneyslu og landnýtingu. Hann mætir líka með farandrannsóknarstofu sína á opnun sýningarinnar, þar sem gestir fá tækifæri til að framleiða orku fyrir milligöngu reiðhjóls.

Sjálfstætt starfandi orkurannsóknarstofan er list-rannsóknarverkefni á vegum ameríska listamannsins Jaimes Mayhew. Með ljósmyndamiðlinum, viðtölum, uppákomum og söfnun frásagna um raforku á Íslandi sem hann hefur unnið með farandrannsóknarstofu sinni, hefur Jaimes kannað samband fólks, rafmagns og lands á Íslandi, frá því í september á seinasta ári.

Jaimes Mayhew er amerískur listamaður og skipuleggjandi og hefur starfað við kennslu á háskólastigi. Hann hlaut MFA gráðu frá Háskólanum í Maryland, Baltimore County og BA gráðu (cum laude), frá Emerson College í Boston.

ReykjavíkurAkademían, félag sjálfstætt starfandi fræðimanna, lýsir yfir stuðningi við launabaráttu stundakennara við háskólastofnanir landsins.

Þekking sjálfstætt starfandi fræðimanna, sem leggja háskólum lið með stundakennslu, er dýrmæt fyrir háskólasamfélagið í heild sinni því niðurstöður af nýjustu og framsæknustu rannsóknum verða ekki síst til á vettvangi þeirra.

Til að tryggja gæði og fagmennsku verður að launa alla háskólakennslu með góðum kjörum til handa þeim sem hana stunda.