Stílvopnið, ásamt samstarfsaðilum í Slóveníu, Ítalíu, Frakklandi, Póllandi, Króatíu og Búlgaríu,hefur fengið styrk frá Erasmus+ áætlun Evrópusambandsins fyrir verkefnið PASI - Performing Art for Social Inclusion og leitar að samstarfsaðilum. 
Aðalfundur ReykjavíkurAkademíunnar, félags sjálfstætt starfandi fræðimanna, verður haldinn föstudaginn 26. maí 2017, kl. 14:00 í fundarsal félagsins, Þórunnartúni 2, 4. hæð (hjá Bókasafni Dagsbrúnar).
Meðal efnis er kjör formanns og fjögurra stjórnarmanna RA, kjör stjórnarformanns og meðstjórnenda RA ses og verða reikningar RA ses bornir upp.
Í Öndvegiskaffi á fimmtudaginn mun Kristín Jónsdóttir kynna vefinn www.kvennalistinn.is sem hún hefur verið að hanna og þróa undanfarið ár. Kristín er ein af þeim konum sem stofnaði Kvennaframboð 1982 og Kvennalista 1983 og er sýn hennar á sögu framboðanna því persónuleg og fræðileg í senn.
Gylfi Gunnlaugsson og Clarence E. Glad munu kynna rannsóknir sínar í Öndvegiskaffi ReykjavíkurAkademíunnar í hádeginu fimmtudaginn 27. apríl, kl. 12:00. Heiti erindisins er: „Menningararfur hverra? Íslenskar fornritarannsóknir og áhrif þeirra 1780-1830“ og byggir á niðurstöðum rannsókna þeirra undanfarin þrjú ár. Verkefnið hlaut styrk úr Rannsóknasjóði Rannís árið 2014.
Léttar veitingar á boðstólum. Allir velkomnir!
ReykjavíkurAkademían kynnir til leiks útvarpsþætti um sögu svartra Bandaríkjamanna í Ríkisútvarpinu um hátíðarnar en þættirnir eru í umsjón Lilju Hjartardóttur, akademóns. Svartir Bandaríkjamenn eru minnihlutahópur sem er enn í efnahagslegri, félagslegri og stjórnmálalegri varnarstöðu eftir 400 ára sambúð með hvíta meirihlutanum. Samsetning og lestur er í höndum Guðna Kolbeinssonar. Fyrsti þátturinn verður á Skírdag kl. 13:10. Sjá umfjöllun á vef RÚV.