Select a contact:
Gunnþóra Ólafsdóttir
Landfræði
Send an Email
(optional)
Miscellaneous Information:
Gunnþóra Ólafsdóttir er fædd og uppalin í Keflavík. Hún tók leiðsögumannapróf frá Leiðsöguskóla Íslands 1998. Árið eftir hóf hún nám í landfræði með ferðamálafræði sem aukagrein við Háskóla Íslands og lauk BS-gráðu í því fagi árið 2003. Í kjölfarið hóf hún doktorsnám í landfræði við School of Geographical Sciences, Bristol Háskóla þaðan sem hún útskrifaðist með doktorsgráðu í febrúar 2008. Gunnþóra hefur víðtæka starfsreynslu bæði í íslenskri ferðaþjónustu og í eigin verslunarrekstri. Í Háskóla Íslands aðstoðaði hún við rannsóknina Þolmörk ferðamennsku á Íslandi öll árin með námi. Í doktorsnáminu rannsakaði hún heilunaráhrif ferðalaga um náttúruleg svæði. Greindi aðdráttarafl íslenskrar náttúru sem áfangastað fyrir göngu- og jeppaferðamenn og hvernig ólíkir ferðamátar – ganga og akstur – leiddu ferðamenn og náttúruna saman á síbreytilegan hátt og hvernig tengslin höfðu áhrif á hvernig fólk skynjaði náttúruna, sjálft sig og líðan sína. Hún hefur verið sjálfstætt starfandi fræðimaður í ReykjavíkurAkademíunni síðan 2008 og hefur unnið við kennslu, skrif, rannsóknir og nýsköpun í samvinnu við aðra fræðimenn og listamenn.

Rannsóknaráhugi og sérsvið:
- Náttúran sem aðdráttarafl og auðlind fyrir ferðamennsku og útivist
- Áhrif umhverfis á líðan fólks; heilunaráhrif náttúrunnar
- Tengsl samfélags og náttúru
- Íslensk ferðaþjónusta
- Fyrirbærafræðilegar rannsóknir

Rannsóknaráhugi og sérsvið

Náttúrutengsl og upplifanir ferðamanna á Íslandi
Grein birt í Landabréfinu 2008

Áhrif Blöndulínu 3 á ferðaþjónustu og útivist
Rannsókn framkvæmd árið 2009 fyrir mat á umhverfisáhrifum fyrirhugaðrar háspennulínu frá Blönduvirkjun til Akureyrar

FaLang translation system by Faboba