RA skrifar undir samstarfssamning við Eflingu - stéttarfélag

Undirritun samningsÁ dögunum skrifaði ReykjavíkurAkademían undir endurnýjaðan samstarfssamning við Eflingu - stéttarfélag um varðveislu Bókasafns Dagsbrúnar til næstu þriggja ára. Bókasafnið er sérfræðisafn á sviði atvinnulífsrannsókna og verkalýðsmála.

Markmið safnsins er tvíþætt. Annars vegar að halda utan um og gera aðgengilegt, gott safn heimilda um stjórnmála- og atvinnusögu sem og verkalýðsbaráttu íslenskra launamanna að fornu og nýju og þannig styðja við möguleika á rannsóknum á þeim sviðum. Hins vegar að þjóna fræðimönnum, háskólanemum og almenningi sem áhuga hafa á því sviði sem safnkostur safnsins spannar. 

Efling hefur verið dyggur stuðningsaðili RA frá árinu 2003 þegar fyrsti samningurinn um vörslu bókasafnsins var undirritaður. 

  

 

Jón Rúnar Sveinsson ráðinn til starfa

Jón Rúnar SveinssonReykjavíkurAkademían hefur ráðið Jón Rúnar Sveinsson, félagsfræðing, í tímabundna stöðu verkefnisstjóra í verkefni um óleyfilega búsetu í Reykjavík. Jón Rúnar lauk BA prófi í félagsfræði við Háskóla Íslands árið 1975 og Phil. Lic. prófi í sömu grein við Uppsalaháskóla árið 1999. RA býður Jón Rúnar velkominn til starfa. 

Á jaðrinum? Ráðstefna um óleyfisbúsetu í atvinnuhúsnæði í Norræna húsinu 17. nóv

BorginReykjavíkurAkademían og Reykjavíkurborg blása til ráðstefnu föstudaginn 17. nóvember næstkomandi um óleyfisbúsetu í atvinnuhúsnæði.

Skortur á leiguhúsnæði og hátt leiguverð veldur því að óhefðbundið búsetuform er vaxandi vandamál hérlendis. Talið er að hópur efnalítilla Íslendinga og erlent verkafólk búi við slíkar aðstæður. 

Ráðstefnan er mikilvægur áfangi í umfangsmikilli úttekt RA á þessu vaxandi samfélagslega vandamáli. Helstu samstarfsaðilar RA og Reykjavíkurborgar í verkefninu eru Slökkvilið höfuðborgarsvæðisins, Hagstofa Íslands, Þjóðskrá Íslands, Vinnumálastofnun, ASÍ, Starfsgreinasamband Íslands, Retor fræðsla ehf., ásamt mörgum fleiri. 

Aðalfyrirlesari á ráðstefnunni er Gillian Young frá Newhaven Research í Skotlandi. Gillian er öflugur fræðimaður á sviði húsnæðismála og búsetu í óleyfilegu húsnæði, þá sérstaklega þegar kemur að búsetuskilyrðum erlends verkafólks. 

Ráðstefnan verður haldin í sal Norræna hússins. Aðgangur ókeypis og allir velkomnir.  

Sjá dagskrá

ReykjavíkurAkademían skrifar undir samstarfssamning við Reykjavíkurborg

Undirritun samningsReykjavíkurAkademían kynnir með stolti nýjan samstarfssamning við Reykjavíkurborg sem undirritaður var 29. september síðastliðinn. Markmið samningsins er að greina óleyfilega búsetu (þ.e. búsetu í atvinnuhúsnæði) í Reykjavík með áherslu á tilkomu hennar og birtingarmynd, aðbúnað og réttindi íbúa, m.a. með tilliti til mansals og réttinda verkafólks. ReykjavíkurAkademían hefur umsjón með verkefninu og hefur ráðið Jón Rúnar Sveinsson, félagsfræðing, í tímabundna stöðu verkefnisstjóra. Niðurstöður verða svo kynntar á ráðstefnu um óleyfilega búsetu föstudaginn 17. nóvember, kl. 13:00-17:00.

Dagskrá og efni ráðstefnunnar verða kynnt fljótlega á heimasíðu RA. 

 

 

Málþing um verkefnið Digipower og stafrænar sögur laugardaginn 25. nóvember

DigipowerFöstudaginn 25. nóv kl. 13:00 mun ReykjavíkurAkademían halda málþing um Erasmus+ samstarfsverkefnið DigiPower (www.digipower.akademia.is) reynslu þess og niðurstöður. Lengra heiti verkefnisins er ,,Digital Storytelling - Empowerment through cultural integration". Málþingið fer fram í fundarsal ReykjavíkurAkademíunnar við Þórunnartún 2 á 4. hæð

Markmið samstarfsverkefnisins DigiPower var að kanna hvort og þá hvernig þróa megi og aðlaga aðferð stafrænna sagna svo hún henti í kennslu og starfi með fullorðnu fólki með sérþarfir. Samtals sjö lönd tóku þátt í verkefninu.

 Á málþinginu munu fulltrúar frá Hlutverkasetri, Ási styrktarfélagi og ReykjavíkurAkademíunni kynna verkefnið og aðferð stafrænna sagna, ásamt þeirra reynslu af verkefninu. Einnig munum við sýna sögur sem urðu til í vinnustofum tengdum vekefninu (sjá myndbönd á netinu hér). Nánari dagskrá verður auglýst síðar. 

Allir eru að sjálfsögðu velkomnir og verða veitingar í boði.

Hugmyndir 21. aldarinnar. Málþing nýdoktora í ReykjavíkurAkademíunni 16. september

H21PLÁSS FYRIR ALLA? 

Fyrsta málþing vetrarins í málþingsröð ReykjavíkurAkademíunnar, Hugmyndir 21. aldarinnar, verður haldið laugardaginn 16. september næstkomandi í fundarsal ReykjavíkurAkademíunnar í Þórunnartúni 2, kl. 11:00-14:00. Að þessu sinni er viðfangsefnið staða kvenna og rými þeirra til virkrar þátttöku í atvinnulífi, stjórnmálum og samfélagslegri umræðu. Á stokk stíga þrjár konur sem hafa lokið doktorsprófi á síðustu fimm árum, dr. Sigrún María Kristinsdóttir, umhverfis- og auðlindafræðingur; dr. Ásrún Matthíasdóttir, menntunarfræðingur, og dr. Auður Aðalsteinsdóttir, bókmenntafræðingur. Umræðum stjórnar dr. Íris Ellenberger, sagnfræðingur.

Lesa meira

FaLang translation system by Faboba