Fréttatilkynning – bandarískur styrkur til rannsóknahóps um umhverfissögu sem tengdur er ReykjavíkurAkademíunni.

Fréttatilkynning – bandarískur styrkur til rannsóknahóps um umhverfissögu sem tengdur er ReykjavíkurAkademíunni (RA)

arnidanielMegan HicksraggaAstrid Ogilvieseravidar

Fimm manna rannsóknarhópur undir forystu Astrid Ogilvie sagnfræðings við Boulder háskóla í Colorado og Stofnun Vilhjálms Stefánssonar á Akureyri og Ragnhildar Sigurðardóttur vistfræðings við ReykjavíkurAkademíuna fékk nýverið myndarlegan forverkefnisstyrk úr EAGER-prógrammi bandaríska vísindasjóðsins, NSF (National Science Foundation). Sjóðurinn er einn sá virtasti í heimi vísinda og fræða. Auk Astrid og Ragnhildar taka þátt í verkefninu Árni Daníel Júlíusson sagnfræðingur við RA, Megan Hicks fornleifafræðingur við CUNY (The City University of New York) og Viðar Hreinsson bókmenntafræðingur við RA.

Verkefnið er þverfaglegt og snýst um að rannsaka samspil manns og umhverfis í Mývatnssveit á tímabilinu 1700-1950. Miklar rannsóknir hafa farið fram á sviðum fornleifafræði og fornvistfræði umhverfis Mývatn á undanförnum árum en þær hafa einkum beinst að landnámi og búsetu á miðöldum. Þessar rannsóknir hafa að verulegu leyti verið fjármagnaðar af NSF. Miklar rannsóknir hafa einnig verið gerðar á fornleifum tímabilsins 1700-1950 við Mývatn, en hugmyndin með verkefninu er að tengja þekkingu á fornleifum við þekkingu sem geymd er í skjölum, ritverkum og öðrum heimildum á sviði hefðbundinna hug- og félagsvísinda.

Verkefnið felur í sér miklar aðferðafræðilegar og vísindalegar nýjungar, einkum á sviði umhverfishugvísinda, sem eru einn mikilvægasti vaxtarbroddur fræðasamfélagsins um þessar mundir. Markvisst verður unnið að því aðbyggja upp samræðu milli ólíkra greina: fornvistfræði, fornveðurfræði, fornleifafræði, umhverfissögu og bókmenntasögu í því skyni að samþætta margvíslega þekkingu. Slíkt þverfaglegt samstarf er afar mikilvægt og hefur í för með sér þekkingarleg margfeldisáhrif.

Styrkurinn og myndun rannsóknarhópsins er mikilvægt skref fyrir ReykjavíkurAkademíuna, sem stöðugt er að sækja í sig veðrið á fræðasviðinu. Ýmis rannsóknar- og útgáfuverkefni hafa verið í gangi og eru í undirbúningi í ReykjavíkurAkademíunni, t.d. á sviði íslenskra fræða, umhverfissögu og sögu félagshreyfinga, svo eitthvað sé nefnt.

Nánari upplýsingar veita Astrid Ogilvie: s 846 4145, This email address is being protected from spambots. You need JavaScript enabled to view it. og

Ragnhildur Sigurðardóttir s 862 3423, This email address is being protected from spambots. You need JavaScript enabled to view it.


 

   

    

ReykjavíkurAkademían flyttur í nýtt húsnæði

undirskrift

 

Í gær miðvikudaginn 1. október varð framtíð húsnæðismála ReykjavíkurAkademíunnar ljós þegar

Sesselja G. Magnúsdóttir starfandi framkvæmdastjóri ReykjavíkurAkademíunnar ses. og Pétur

Guðmundsson forstjóri Eyktar, þekkingarfyrirtækis í byggingariðnaði, skrifuðu undir samning um leigu

Akademíunnar á húsnæði í Þórunnartúni 2 (áður Skúlatún 2) til næstu 10 ára. Samningurinn gerir

ráð fyrir skrifstofurými fyrir fræðimenn, litlum sal fyrir viðburði ReykjavíkurAkademíunnar og þeirra

félaga og einstaklinga sem henni eru tengd auk rýmis fyrir bókasafn Dagsbrúnar sem verið hefur í

umsjá ReykjavíkurAkademíunnar síðan 2003.

Íslenskar fornritarannsóknir og þjóðarmenning 1780-1918

Alþjóðlegt þriggja ára rannsóknarverkefni, sem ber heitið Íslenskar fornritarannsóknir og þjóðar­menning 1780-1918, hefur aðsetur í Reykjavíkurakademíunni. Því var hleypt af stokkunum í júní 2014. Það er fjármagnað af Rannsóknasjóði í vörslu Rannís. Verkefnisstjórar eru þeir Clarence E. Glad (This email address is being protected from spambots. You need JavaScript enabled to view it.) og Gylfi Gunnlaugsson (This email address is being protected from spambots. You need JavaScript enabled to view it.), en aðrir þátttakendur eru Matthew J. Driscoll, Kaupmannahöfn, Gottskálk Jensson, Kaup­mannahöfn, Jon Gunnar Jør­gensen, Oslo, Annette Lassen, Kaupmannahöfn, Julia Zernack, Frankfurt am Main, Simon Halink, Groningen, og Hjalti Snær Ægisson, Reykjavík.

            Í þessu verkefni verða störf þeirra íslensku fræðimanna rannsökuð, sem fengust við útgáfu á og skrif um íslensk fornrit / norrænar fornbókmenntir á árunum 1780-1918, með tilliti til þeirra þjóðernishugmynda sem þar koma fram. Lögð verður áhersla á sjálfstæði hinnar þjóðernislegu orðræðu þessara fræðimanna gagnvart þeirri pólitísku orðræðu, sem fylgdi sjálfstæðisbaráttunni. Orðræða þeirra verður skoðuð sem hluti af alþjóðlegri umræðu um hinn íslenska / norræna menningararf og þjóðarmenningu almennt. Ein birtingarmynd þessarar umræðu var togstreita Íslendinga við aðrar þjóðir um „eignarhald“ á þessum arfi eða ákveðnum hlutum hans. Á sama tíma voru íslensku fræðimennirnir í víðtæku samstarfi við erlenda starfsbræður sína. Þetta samstarf og umgjörð þess verður athugað sérstaklega. Loks verður lögð áhersla á að kanna tengsl orðræðu hinna íslensku fræðimanna við viðtöku grísk-rómverskrar arfleiðar. Rannsóknin mun skila mikilvægum upplýsingum um mótun sjálfsmyndar Íslendinga á umbrotatímum, auk þess að hafa almennt menningarsögulegt gildi.

Haustferð ReykjavíkurAkademíunnar

Ögmundarhraun, Selatangar, söfn og eldgígar

 

Haustferð ReykjavíkurAkademíunnar

 11. október 2014

Skráning fer fram á netinu HÉR

 

Leiðsögumaður:          Jóhann Davíðsson.

Kl. 12:30                    Brottför frá Hringbraut 121, Reykjavík.

Kl. 13:30                    Selatangar.

Verbúðir – ganga.

Katlahraun

Kl. 15 – 15:30            Kaffi og snittubrauð í Ísólfsskála.

Kl. 16.00                    Þórkötlustaðahverfið.

                                   Gamalt hafnarhverfi.

Skipsflök sem hafaldan hefur kramið.

                                  

Kl. 17:00                    Guðbergsstofa – Kaldalónsstofa - Saltfisksetrið

                                  

Kl. 18:00                    Eldvörpin skoðuð og fleira áhugavert.

Kl. 19 – 19:30             Flagghúsið – kvöldverður í gömlu húsi með sál.

                                   Grillað lambalæri með bökuðum kartöflum, sveppasósu, gulum                                             

                                   baunum, rabarbarasultu og hrásalati með fetaosti í ólíuolíu.

                                   Í eftirrétt er kaffi og Dillonskaka með aðalbláberjum og rjóma.  

Kl. 20:30 - 21.00        Heimför.

Kl. 21:30 – 22:00       Komið að Hringbraut 121.

                                   Klæðnaður eftir veðri og vindum. Spariskór og háirhælar ekki æskilegir.

                                   Fólk taki með sér drykkjarföng og léttan kost í hnakktöskuna.

                                   Séu veðurguðirnir mjög óhagstæðir áskilur ferðanefndin sér leyfi til að

                                    laga ferðina að veðurfarinu til þæginda fyrir ferðalangana.                                

 

Verð:

Fullorðnir:                   5.500 kr. á mann.

Börn og unglingar:     2.000 kr. á mann.

 

Hægt er að skrá sig HÉR

Málþing: Fólk í heimildum – heimildir um fólk

 

Rannsóknasetur Háskóla Íslands á Norðurlandi vestra, Sagnfræðingafélag Íslands og

ReykjavíkurAkademían bjóða upp á málþingið Fólk í heimildum – heimildir um fólk

laugardaginn 11. október næstkomandi. Þingið verður haldið í bókasafni Halldórs Bjarnasonar

í húsakynnum Rannsóknaseturs HÍ á Skagaströnd. Boðið verður upp á hópferð frá Reykjavík

með kvöldverð og gistingu á Gauksmýri í Húnaþingi.

Read more ...

Call for proposals: NOfOD

Call for proposals for:
Expanding Notions; Dance/Practice/Research/Method
12th international NOFOD Conference
Reykjavík, Iceland – 28th-31st of May 2015
The realm of dance practice and research manifests itself in multiple ways. Within dance studies as an
interdisciplinary field, the notions of dance, practice and research are constantly challenged – leading to fundamental questions such as: what is practice and what is knowledge? This, in turn, may open up new methodological questions. Possibilities and connections are created between methods in practice and methods in research, in ways that lead us to revisit and revise the concept of method as such, and as a consequence question different approaches to knowledge. This conference will address the multipleunderstandings of methodologies in dance practice and research, in order to contest pre-conceived conceptions of methods and revise our understanding of doing and knowing.

The presenters may consider any of the following themes:
- the expanded notions of dance/practice/research/method
- changing methods of dance practices
- pedagogical methods and challenges
- choreographic methods and practices
- the practice of research methods
- methodological questions and challenges in an expanded landscape of dance practice and research
- the consequences of these changes and challenges in terms of the understanding of knowledge

Lesa meira / Read more

FaLang translation system by Faboba