Í Öndvegiskaffi á fimmtudaginn mun Kristín Jónsdóttir kynna vefinn www.kvennalistinn.is sem hún hefur verið að hanna og þróa undanfarið ár. Kristín er ein af þeim konum sem stofnaði Kvennaframboð 1982 og Kvennalista 1983 og er sýn hennar á sögu framboðanna því persónuleg og fræðileg í senn.
Gylfi Gunnlaugsson og Clarence E. Glad munu kynna rannsóknir sínar í Öndvegiskaffi ReykjavíkurAkademíunnar í hádeginu fimmtudaginn 27. apríl, kl. 12:00. Heiti erindisins er: „Menningararfur hverra? Íslenskar fornritarannsóknir og áhrif þeirra 1780-1830“ og byggir á niðurstöðum rannsókna þeirra undanfarin þrjú ár. Verkefnið hlaut styrk úr Rannsóknasjóði Rannís árið 2014.
Léttar veitingar á boðstólum. Allir velkomnir!
Borgþór Kjærnested mun heiðra okkur í Öndvegiskaffinu í dag með erindi um Finnland.
Erindið ber heitið: ,,Finnland, hvaða land er það?", og hefst stundvíslega klukkan 12:00 í Bókasafni Dagsbrúnar. Snarl og léttmeti í boði.
Öndvegiskaffi RA er að þessu sinni tileinkað styrktarsjóðum á vettvangi rannsókna, lista og menningarmiðlunar. Þau Sigrún Ólafsdóttir og Viðar Helgason hjá Rannís munu halda stutt erindi um alþjóðleg sóknarfæri íslenskra fræðimanna í erlenda sjóði og samstarfsmöguleika við fræðimenn annarra landa. Að venju er kaffið haldið í fundarsal RA á 4. hæð í Þórunnartúni 2, kl. 12:00 stundvíslega. Léttar veitingar í boði. Allir hjartanlega velkomnir!
Í öndvegi fimmtudaginn 23. febr. næstkomandi mun dr. Haukur Arnþórsson stjórnsýslufræðingur fjalla um þingstörf alþingis frá því það fór í eina deild 1991 til 2016 eða í aldarfjórðung. Þá var myndaður gagnagrunnur um þingmál, þingmenn og þingfundi sem gefur mikilvægar upplýsingar.