Snorrastofa í Reykholti auglýsir eftir verkefnisstjóra í tímabundið starf.
Stofnunin hefur í samstarfi við ReykjavíkurAkademíuna og Háskóla Íslands hrint af stað mjög stóru rannsóknarverkefni um norræna goðafræði. Margir helstu fræðimenn í greininni, íslenskir og erlendir, koma að verkefninu sem felst í því að gefa út nokkurra binda ítarlegt yfirlitsrit um norræna goðafræði. Það mun taka amk. 6 ár.
Stjórn verkefnisins leitar eftir verkefnisstjóra í a.m.k. fullt starf í þrjá mánuði eða hálft starf í sex mánuði. Starfið felst einkum í heildarskipulagningu verkefnisins og fjáröflun, t.a.m. ritun umsókna. Vonast er til að takist að afla fjár til verkefnisstjóra í hálfu starfi til frambúðar.
Verkefnisstjóri þarf að hafa lokið amk. meistaraprófi á fræðasviði nærri goðafræði, hafa góða tungumálakunnáttu, hafa staðgóða þekkingu og mikinn áhuga á norrænni trú og bókmenntum, hafa reynslu af styrkjaumsóknum, hafa verulegt frumkvæði og vera sjálfstæður í vinnubrögðum.
Nánari upplýsingar veitir Bergur Þorgeirsson, forstöðumaður Snorrastofu (sími 89312492 og netfangið bergur@snorrastofa,). Umsóknir sendist Snorrastofu, Reykholti, 320 Reykholti fyrir 11. mars nk. Umsóknir má einnig senda með tölvupósti.