ReykjavíkurAkademían óskar eftir að ráða tvo háskólanema í sumar, annan í upplýsingafræði og hinn í sagnfræði, til að vinna við rannsóknaverkefnið: Gagnagrunnur um starf og afurðir sjálfstætt starfandi fræðafólks.
Verkefnið er styrkt af Nýsköpunarsjóði námsmanna og unnið í samvinnu við AkureyrarAkademíuna.
Um er að ræða fullt starf í þrjá mánuði. Æskilegt er að viðkomandi geti hafið störf eigi síðar en 1. júní.
STARFSLÝSING
Starfið felst í að taka saman upplýsingar um fjölda, menntun og afurðir fræðafólks hjá Reykjavíkur- og AkureyrarAkademíunni á tímabilinu 1997 – 2021 og skrá í gagnagrunn. Einnig að skoða fjármögnun opinberra sjóða og breytingar á umhverfi sjálfstætt starfandi fræðafólks.
Verkefninu lýkur með fyrirlestri á málþinginu Sjálfstæðir rannsakendur – umhverfi og áskoranir sem haldið verður 14. október 2022.
HÆFNISKRÖFUR
Leitað er að nema í upplýsingafræði með áhuga á gerð og virkni upplýsingagrunna og nema í sagnfræði með áhuga á sögu íslenskra fræða, rannsókna og þekkingarsköpunar á sviði hug- og félagsvísinda.
Æskilegt er að umsækjendur búi yfir frumkvæði og sveigjanleika og eigi auðvelt með að vinna í teymi, auk nákvæmni í vinnubrögðum og samviskusemi.
Nánari upplýsingar um verkefnið: www.akademia.is/gagnagrunnur-
Nánari upplýsingar um starfið: [email protected] / 899 8565
Umsóknir sendist í tölvupósti til: [email protected] ásamt tveimur meðmælabréfum. Umsóknafrestur er til og með 8. maí.