Gestir málþingsins Sjálfstæðir rannsakendur
Föstudaginn 4. nóvember 2022 hélt ReykjavíkurAkademían sérlega vel heppanð málþing í fyrirlestrarsal Þjóðarbókhlöðu undir yfirskriftinni Sjálfstæðir rannsakendur – umhverfi og áskoranir.
Dagskrá málþingsins má sjá fyrir neðan og hér er upptaka af málþinginu
ReykjavíkurAkademían þakkar öllum þeim sem tóku þátt í málþingu, skipuleggjendum, fundarstjóra, fyrirlesurum, þeim sem sátu og stýrðu umræðum í panel.
Málþingið er annað af tveimur málþingum sem haldið var á árinu til þess að fagna 25 ára afmæli ReykjavíkurAkademíunnar sem haldið er uppá undir yfirskriftinni Auðlegð þekkingar í aldarfjórðung. Fyrra málþingið ,,Dútlað við þjóðarsálina” var haldið í Safnahúsinu á afmælisdeginum 7. maí 2022.
Dagskrá
15:00 Ávarp.
Lilja Hjartardóttir stjórnmálafræðingur, formaður ReykjavíkurAkademíunnar.
15:10 Á djúpslóð. Sjálfstætt starfandi sagnfræðingur með tímabilið 1300 til 1700 sem sérsvið segir frá.
Dr. Árni Daníel Júlíusson sérfræðingur við Háskóla Íslands, vísindamaður við Stofnun Vilhjálms Stefánssonar og sjálfstætt starfandi fræðimaður hjá ReykjavíkurAkademíunni.
15:30 Tveir fylgidjöflar þess að vera SSF.
Þórunn Valdimarsdóttir, sagnfræðingur og rithöfundur í ReykjavíkurAkademíunni.
15:40 Samkeppnissjóðirnir og sjálfstætt starfandi fræðafólk.
Ágúst H. Ingþórsson forstöðumaður Rannís.
15:55 Umræður og kaffi.
16:10 Akademónar á Akureyri. Umhverfi og áskoranir.
Margrét Guðmundsdóttir sagnfræðingur í AkureyrarAkademíunni.
16:20 Vá! Afurðir sjálfstætt starfandi fræðafólks við Akademíurnar. Gagnagrunnur unninn fyrir styrk úr Nýsköpunarsjóði námsmanna.
Jens Arinbjörn Jónsson sagnfræðingur og félagi í Félagi ReykjavíkurAkademíunnar og Pétur Stefánsson nemi í sagnfræði við Háskóla Íslands.
16.30 Opinn aðgangur? Útgáfa, kostnaður og aðgangur að vísindaefni.
Sigurgeir Finnsson forstöðumaður Bókasafns Dagsbrúnar og sérfræðingur ReykjavíkurAkademíunnar.
16:40 Hvað svo? Panell.
Umræðustjóri dr. Ingunnar Ásdísardóttur þjóðfræðingur og sjálfstætt starfandi við ReykjavíkurAkademíuna.
Ágúst H. Ingþórsson, dr. Árni Daníel Júlíusson, dr. Unnur G. Óttarsdóttir listmeðferðarfræðingur og sjálfstætt starfandi við ReykjavíkurAkademíuna, dr Sólveig Ásta Sigurðardóttir stundakennari við Háskóla Íslands og sjálfstætt starfandi við ReykjavíkurAkademíuna og Atli Antonsson doktorsnemi við Háskóla Íslands og sjálfstætt starfandi við ReykjavíkurAkademíuna.
Málþingsstjóri: dr. Sólveig Ólafsdóttir sagnfræðingur, nýdoktor við Háskóla Íslands og félagi í Félagi ReykjavíkurAkademíunnar.