Stjórn ReykjavíkurAkademíunnar (RA) óskar eftir að ráða framkvæmdastjóra ReykjavíkurAkademíunnar sem æskilegt er að geti hafið störf fyrir áramót.
Framkvæmdastjóri hefur umsjón með starfsemi og málefnum ReykjavíkurAkademíunnar í umboði stjórnar.
Hann ber ábyrgð á og annast fjármál, bæði varðandi rekstur ReykjavíkurAkademíunnar og rannsóknarverkefni á hennar vegum. Hann ber ábyrgð á skrifstofuhaldi, skipulags- og húsnæðismálum RA, kynningarmálum og samstarf við stofnanir og fyrirtæki, rekstri tækja og miðlægs búnaðar og rekstri sameiginlegrar aðstöðu – og öðrum málum í umboði stjórnar.
Helstu verkefni
- Stefnumótun RA í samvinnu við stjórn.
- Efling rannsókna á vegum RA.
- Umsjón með kynningarmálum.
- Umsjón með samningum RA við fyrirtæki, stofnanir og einstaklinga.
- Rekstur og fjármálaumsýsla.
- Fjáröflun til starfsemi RA.
- Umsjón með funda- og ráðstefnuhaldi í samvinnu við stjórn og einstaka félaga.
Hæfniskröfur
- Meistaragráða eða annað framhaldsnám frá háskóla.
- Reynsla af stjórnun, fjármálum og rekstri.
- Reynsla af rannsóknum og/eða utanumhaldi rannsóknarverkefna.
- Þátttaka í viðburðastjórnun er kostur.
- Frumkvæði, faglegur metnaður og hæfni í mannlegum samskiptum.
- Góð íslenskukunnátta og leikni í ensku áskilin. Norðurlandamál er kostur.
Upplýsingar
Laun taka mið af gildandi kjarasamningi fjármálaráðherra og hlutaðeigandi stéttarfélags. Starfshlutfall er 100%. Umsókn fylgi kynningarbréf þar sem gerð er grein fyrir hæfni viðkomandi í starfið ásamt náms- og starfsferilsskrá. Umsóknarfrestur er til og með 20. október 2024.
Nánari upplýsingar veita Oddný Eir Ævarsdóttir, stjórnarformaður, ([email protected]) og Anna Þorbjörg Þorgrímsdóttir, framkvæmdastjóri, ([email protected]) í síma 699 8565.
Umsóknum um starf framkvæmdastjóra skal skilað á vef Alfred.is