Af sjónarhóli Láru
í sal ReykjavíkurAkademíunnar
föstudaginn 5. október 2012, kl. 12.05 – 13.00.
Dr. Lára Magnúsardóttir
forstöðumaður Rannsóknaseturs Háskóla Íslands á Norðurlandi vestra
flytur hádegisfyrirlesturinn
„Náttúran í eigin rétti:
Stjórnarskrá á mannamáli.“
Undanfarin tvö ár hefur Lára unnið að þeirri tilraun í sagnfræðirannsóknum sínum að beita greiningaraðferðum á samtímamálefni sem hún hafði fram að því notað til að greina miðaldaheimildir og þegar frumvarp til stjórnlaga var lagt fram hófst hún handa við að kanna II. kafla frumvarpsins sem ber heitið “Mannréttindi og náttúra”. „Mannréttindi“ er yfirþjóðlegt hugtak sem segir fyrir um samband mannsins við yfirvöld og hefur „manninn“ að eiginlegu viðfangsefni. Skilgreining mannréttindahugtaksins liggur í Mannréttindayfirlýsingu Sameinuðu þjóðanna og undirliggjandi er skilgreining á „manninum“. Mannréttindahugtakið er þar af leiðandi fyrirfram bundið og því hlýtur að orka tvímælis ef Íslendingar kjósa að fjalla um annað en mannréttindi í stjórnarskrárkafla um það efni.
Á næstunni verður birt uppkast að rannsókninni á heimasíðu Rannsóknaseturs Háskóla Íslands
á Norðurlandi vestra http://stofnanir.hi.is/
Af sjónarhóli
er ný röð hádegisfyrirlestra ReykjavíkurAkademíunnar
þar sem vísinda- og fræðimenn taka fyrir málefni líðandi stundar.
Aðgangur er ókeypis og öllum heimill.
