Fyrir: Akademóna og Félaga AkureyrarAkademíunnar:

Nú er loks kominn tími á fagnaðargjörninginn  „Út úr kófinu“ sem við höfum beðið eftir að mega framkvæma hér í túni Þórunnar. Með honum viljum við ekki einungis fagna þessu sumri sem mun leiða okkur Íslendinga út úr kófinu – heldur og þakka Þórunni fyrir að hafa verndað okkur demóna á liðnu kóvid-ári. Okkar fróma og forspáa skáld, Aðalsteinn Eysteinsson, skynjaði yfirvofandi háska og virkjaði  í tíma velvild og vinarhug Þórunnar, með sínum vel orta lofsöng. Með gjörningnum munum við sérstaklega hefja á loft eftirfarandi ljóðlínur lofsöngsins:

„Við, þegnar Þórunnar
þökk viljum tjá.
Vígfim þú verndar oss
voðanum frá.“

Gjörningurinn fer fram í bókasafninu en þar munum við njóta hádegissnæðings og skemmta hvort öðru.  Félögum okkar í AkureyrarAkademíunni er boðið að zoom-hlýða á og sjá.